1 Samuel 13:4-6

Ang Biblia (1978)

⁴ At narinig nga ng buong Israel ng sabihin na sinaktan ni Saul ang pulutong ng mga Filisteo, at ang Israel naman ay ^(A)naging kasuklam-suklam sa mga Filisteo. At ang bayan ay nagpipisan na sumunod kay Saul sa Gilgal.

Si Saul sa Gilgal.

⁵ At ang mga Filisteo ay nagpupulong upang lumaban sa Israel, tatlong pung libong karo, at anim na libong mangangabayo, at ang bayan na ^(B)gaya ng buhangin na nasa baybayin ng dagat sa karamihan: at sila'y umahon at humantong sa Michmas sa dakong silanganan ng Beth-aven.

⁶ Nang makita ng mga lalake ng Israel na sila'y nasa kagipitan, (sapagka't ang bayan ay ^(C)napipighati) ang bayan nga ay ^(D)nagkubli sa mga yungib, at sa mga tinikan, at sa mga bato, at sa mga katibayan, at sa mga hukay.